Ўзбекистон хавфсиз туризм бўйича Insurly рейтингида МДҲ давлатлари орасида 1-ўринда қайд этилди

Франциянинг Insurly портали хавфсиз туризм бўйича дунё мамлакатлари рейтингини эълон қилди. Рейтингни тузишда табиий офат эҳтимоли, соғлиқни сақлаш даражаси, жиноятчилик бўйича аҳвол, жумладан террорчилик ҳам ва транспорт ҳодисалари ҳисобга олинган, деб ёзмоқда ЎзА.

Швейцария 2020 йилда сайёҳлар хавфсизлигини таъминлаш бўйича 100 баллик имкониятдан 93,4 балл олган ҳолда 1-ўринни эгаллади. Иккинчи ўринга билан Сингапур (92,7 балл), 3-поғона эса Норвегияга (91,1 балл) насиб қилди.

Сайёҳлар учун энг хавфсиз мамлакатлар ўнталигига Люксембург, Кипр, Исландия, Дания, Португалия, Финляндия ва Япония ҳам кирган.

Ўзбекистон ушбу рейтингда 70,3 балл олиб 46-ўринни эгаллади. Рейтинг тузувчиларнинг фикрича, туристлар учун энг катта хавф, бу табиий офатлардир. Бу йўналишда Ўзбекистон 25 балл олди, соғлиқни сақлаш тизими юқори даражада экани қайд этилиб, 81 балл берилди.

Шунингдек порталда Ўзбекистонда келган сайёҳларга террорчилик таҳдиди умуман йўқлиги ҳам қайд этилган.

Рейтингда 46-ўринни эгаллаган Ўзбекистон бу борада МДҲ мамлакатлари орасида биринчи ўринда турибди.

Рўйхатда Ўзбекистондан кейинги ўринларни Беларусь (48-ўрин), Озарбайжон (52), Туркманистон (60), Молдова (66), Грузия (68), Қозоғистон (71), Арманистон (72), Украина (83), Россия (86), Тожикистон (93), Қирғизистон (106) эгаллаган.

2020 йилда сайёҳлар учун энг хавфли мамлакатлар учлигига Марказий Африка республикаси, Конго демократик республикаси ва Жанубий Судан киритилди.