Жорий йилнинг 16 февраль куни Самарқанд вилояти ИИБ ЙҲХБ ЙПХ катта инспектори Х.Бердиқулов белгиланган дислокация асосида А-378 автомобиль йўлининг 45-километрида «Қарши—Самарқанд» йўналишида тезлик талабларини бузган ҳайдовчиларни аниқловчи кўчма радар билан хизматга жалб этилган. ИИВ Йўл ҳаракати хавфсизлиги бош бошқармаси унинг хизмат давомида ўзига тегишли бўлган шахсий Nexia-3 русумли транспорт воситаси олди томонига, ерга кўчма радарни ўрнатгани юзасидан маълумот берди.
Инспекторнинг бу хатти-ҳаракати номаълум ҳайдовчи томонидан видеотасвирга туширилган ва ижтимоий тармоқларга жойланган.
Ҳозирги вақтда мазкур ҳолат юзасидан ЙПХ катта инспектори Х.Бердиқуловга нисбатан Самарқанд вилояти ИИБ ЙҲХБ масъул ходимлари томонидан хизмат текшируви ўтказилмоқда, дейилади маълумотда.
Мавзуга доир:
- Наманганда телефондан бўлган қарзини ҳайдовчи ҳисобидан узишни режалаштирган ЙПХ инспекторига ҳукм ўқилди
- Тошкентда ЙПХ инспектори пора билан қўлга тушди
- Қашқадарёда ҳайдовчи билан қўпол муносабатда бўлган ЙПХ катта инспектори ишдан олинди
- Чинозда сохта ЙПХ ходими қўлга олинди. У икки йил олдин ҳам худди шу қилмиши учун жазога тортилган
Изоҳ (0)