Ёшлар пресс-клубининг навбатдаги сессияси 20 февраль, пайшанба куни, Ўзбекистон Ёшлар иттифоқи ҳамда Ички ишлар вазирлиги Жазони ижро этиш бош бошқармаси билан ҳамкорликда ташкил этилди.
Ёшлар медиа маркази матбуот хизматининг «Дарё»га маълум қилишича, очиқ мулоқотда ИИВ расмийси Ўзбекистон қамоқхоналаридаги талабалар учун қатор вазирликлар биргаликда яна бир имконият яратиш борасида саъй-ҳаракатлар олиб бораётганини таъкидлади.
«Ҳозирда 500 нафардан зиёд талаба жазони ижро этиш муассасаларида қилмишига яраша қонунда белгиланган жазосини ўтамоқда. Айни пайтда уларни масофадан туриб ўқитиш тизимини йўлга қўйиш мақсадида Ички ишлар, Адлия, Олий ва ўрта махсус таълим, Ахборот технологиялари ва коммуникацияларини ривожлантириш вазирликлари ҳамкорлигида Вазирлар Маҳкамаси қарори лойиҳаси тайёрланяпти.
Агар ушбу янги тартиб амалга ошса, жазони ижро этишга қадар талаба бўлган шахслар онлайн тарзда таълим олишади. Улар битирув имтиҳонларини жазо муддатини ўтаб бўлгач, таълим олган ОТМга бориб топширади ва шу тариқа дипломини қўлга киритиши мумкин. Маҳкумлар онлайн ўқитиш даврида зарур адабиётлар билан таъминланади», — деди ИИВ Жазони ижро этиш бош бошқармаси подполковниги Жамшид Султонов.
Изоҳ (0)