Акциядорлик тижорат «Халқ банки» бошқаруви раисининг ўринбосари этиб Ҳасанжон Аҳмедов тайинланди. Бу ҳақда ЎзА хабар берган.
Хабарда ёзилишича, Ҳасанжон Аҳмедов 1984 йил Самарқанд шаҳрида туғилган. Тошкент молия институтини банк иши ва менежмент йўналиши бўйича тамомлаган.
У 2015—2019 йилларда «Халқ банки»нинг турли департаментларида директор ва филиал бошқарувчиси лавозимларида фаолият юритган.
2019 йилдан шу кунга қадар у «Халқ банки» Ҳудудий филиаллар фаолиятини мувофиқлаштириш комплекси раҳбари лавозимида ишлаб келаётганди.
Аввал Бўка тумани ҳокимлигида халқ депутатлари туман Кенгашининг навбатдан ташқари 3-сессиясида «Халқ банки» бошқаруви раисининг ўринбосари лавозимида ишлаб келган Низомиддин Аббосов Бўка тумани ҳокими вазифасини бажарувчи этиб тасдиқланган. Сирдарё вилояти Боёвут туманига эса биринчи марта аёл киши – Дилфуза Уралова ҳоким этиб тайинланганди.
Мавзуга доир:
Изоҳ (0)