«Ювентус» Пол Погбани ортга қайтаради
«Манчестер Юнайтед» ярим ҳимоячиси Пол Погба «Ювентус»га қайтиши мумкин, дея хабар қилмоқда италиялик журналист Николо Скира.
«Ювентус» франциялик ярим ҳимоячини 2020 йилнинг ёзида Туринга қайтариш борасида иш бошлади. Погбага «Реал» ва ПСЖдан ҳам қизиқиш бор, бироқ футболчининг ўзи А Серияга қайтишни маъқул кўрмоқда. Аввалроқ Манчестер клуби Погбани 140 миллион евро эвазига сотишга тайёр экани хабар қилинганди.
Погба 2016 йилнинг ёзида 105 миллион евро эвазига «Ювентус»дан «Манчестер Юнайтед»га ўтганди. Жорий мавсум Пол Премьер Лигада еттита ўйинда майдонга тушди ва иккита самарали узатма амалга оширди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
