Ўзбекистонда йўл-транспорт ҳодисаларини расмийлаштиришнинг «европротокол» тамойилларига асосланган соддалаштирилган тартиби жорий этилиши мумкин. Бу 2017 – 2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегиясини «Илм, маърифат ва рақамли иқтисодиётни ривожлантириш йили»да амалга оширишга оид давлат дастури лойиҳасига киритилган.
Лойиҳага кўра, қатор норматив-ҳуқуқий ҳужжатлар лойиҳаларини ишлаб чиқиш орқалийўл транспорт ҳодисаларни Давлат йўл ҳаракати хавфсизлиги хизмати ходимлари иштирокисиз расмийлаштириш тартибида келиб чиққан зарарни тўлаш шартлари:
- ЙТҲ бўйича маъмурий баённома тузилмасдан, бу ҳақдаги маълумотлар (шу жумладан, сурат ёки видеога олинган ахборот тарзида) унинг иштирокчилари томонидан хабарнома бланкасида акс эттирилиши ва суғурта ташкилотларига тақдим этиш;
- ЙТҲда иштирок этган транспорт воситалари суғурталовчилар талабига кўра, кўрикдан ўтказиш ёки мустақил техника экспертизаси учун тақдим этиш;
- ички ишлар органлари ходимлари иштирокисиз расмийлаштириш юзасидан тўланадиган суғурта товонининг чекланган миқдорини белгилаш каби қоидаларни ишлаб чиқиш назарда тутилмоқда.
Изоҳ (0)