Ўзбекистонга қўшни бўлган Қозоғистон, Қирғизистон ва Тожикистондаги олий таълим муассасаларида ўқиётган ва ўқишини Ўзбекистондаги ОТМларга кўчириш истагини билдирган талабаларга ўқишни кўчириш бўйича ариза топширишга рухсат этилган эди.
Ўзбекистон Олий ва ўрта-махсус таълим вазирлиги ўқишни кўчириш тартиби бўйича энг кўп берилаётган саволларга жавоб берди ва ўқишни кўчириш муддати жорий йилнинг 15 мартигача узайтирилганини маълум қилди.
Шунингдек, ўқишини кўчириш истагини билдирган талабаларга Ўзбекистоннинг мазкур давлатлардаги элчихоналари ёрдам бериши ҳам айтилган эди.
Ўзбекистон Ташқи ишлар вазирлиги эса Қозоғистон, Қирғизистон ва Тожикистонда таҳсил олаётган Ўзбекистон фуқароларининг ўқишини республика олий таълим муассасаларига кўчириш учун мазкур давлатлардаги дипломатик ваколатхоналарга мурожаат қилиш мумкинлиги ҳақида хабар берди.
ТИВ томонидан маълум қилинишича, ўқишини республика олий таълим муассасаларига кўчирмоқчи бўлган талабалар Ўзбекистоннинг мазкур мамлакатлардаги дипломатик ва консуллик муассасалари масъул ходимларига қуйидаги телефон рақамларини орқали мурожаат қилиши мумкин:
- Қозоғистондаги элчихона (Нур-Султон шаҳри) +77772182010, +77712008752.
- Қирғизистондаги элчихона (Бишкек шаҳри) +996555700145.
- Тожикистондаги элчихона (Душанбе шаҳри) +992938884442.
- Ақтау шаҳридаги Бош консулхона (Қозоғистон) +77292777117, +77775990052.
- Олмаота шаҳридаги Бош консулхона (Қозоғистон) +77273902616, +77779504433, +77779504455, +77779504422, +77779504411.
Изоҳ (0)