Тошкент шаҳрида йўл-патрул хизмати ходимларига синов тариқасида янги хизмат либослари тарқатилди, дея хабар бермоқда пойтахт ИИББ матбуот хизмати.
Синов 12 февралдан бошланган. Қайд этишларича, 100 нафар ходимга икки хил вариантдаги хизмат либослари тарқатилган.
«Gazeta.uz»нинг ёзишича, ички ишлар органларининг хизмат либослари ва белгиларини қайта кўриб чиқиш масаласи Президентнинг 2017 йил апрелдаги фармонида белгиланган эди.
Ушбу қарор формаларни халқаро стандартларга мувофиқ бирхиллаштириш ҳамда «ички ишлар органларининг ижобий имиджини яратиш»га йўналтирилган.
Тошкентда ЙПХ ходимларининг янги кўринишдаги хизмат либослари синовдан ўтказилиши ҳақида илк бор 2019 йил мартида эълон қилинган эди.
Изоҳ (0)