Челябинскдаги қишлоқлардан бирида аҳоли коронавирусдан карантин марказини бошқа жойга кўчиришни талаб қилмоқда

Россиянинг Челябинск вилояти Рошино қишлоғи аҳолиси Хитойдан келаётган одамлар учун карантин маркази ташкил қилинган дам олиш оромгоҳига олиб борадиган йўлларни ёпиб қўйди. Улар ичида икки нафар ХХР фуқароси бўлган тез тиббий ёрдам машинасини марказга ўтказмаган, деб ёзмоқда «Znak.com».

Санаторий Рошинога қўшни Ужевка қишлоғида жойлашган, 9 февраль, якшанба куни, у ерга олти нафар хитойлик олиб келинган. Рошинода яшайдиган маҳаллий аҳоли учрашувга келган соғлиқни сақлаш вазиридан уларни ҳудуддан олиб кетишни талаб қилган.

«Олти нафар хитойлик бу ердан олиб кетилмаса, биз сизларни ўтказмаймиз! Шу ерда куну тун навбатчилик қиламиз. Ахир биз бу ерда яшаймиз!» — дея бақирган қишлоқда яшовчи фуқаролар.

Маҳаллий соғлиқни сақлаш вазирлиги раҳбари Ужевкада карантин маркази ташкил қилмасликни ваъда берган.

«Бу ерга бошқа ҳеч ким олиб келинмайди. Биз масалани ҳал қилдик. Энди бу ерга бошқа беморлар жойлаштирилмайди», — дея амалдор сўзларини келтирган Znak.

В Сосновском районе люди вышли на протест против открытия нового карантинного центра по коронавирусу. Десяток жителей собрался возле администрации Рощино. К ним уже вышел глава района и представитель минсоца. О происходящем рассказываем в режиме онлайн. https://t.co/fJUCtpD6Ap pic.twitter.com/mhgxCkZ7ZJ

— 74.ru (@_74ru_) February 9, 2020

«74.ru» нашри эса вазирнинг сўзларини бошқачароқ шаклда эълон қилган:

«Бугун бошқа одам олиб келинмайди, аввалроқ келган олти нафар одам ҳам яқин вақт ичида бошқа жойга олиб кетилади».

Челябинск вилоятига олиб келинган Хитой фуқаролари учун карантин маркази аввалига Варнен туманида очилиши режалаштирилганди, бироқ маҳаллий аҳолининг норозиликлари туфайли муассаса Ужевка қишлоғига кўчирилган. Znak’нинг ёзишича, вилоят ҳудудида яна 15 нафар хитойлик Миассадаги шифохонанинг юқумли касалликлар бўлимида бўлиб турибди.