Utair авиакомпаниясининг йўловчи самолёти Коми республикасидаги Усинск шаҳри аэропортига қўниш вақтида ҳаво кемасининг дум қисми учиш-қўниш майдончасига урилган. Бу ҳақда «Интерфакс» хабар берди.
Росавиация фавқулодда вазият ушбу қўниш шассисидаги муаммолар туфайли юз берганини маълум қилган. Тергов қўмитаси терговга қадар текшириш ишларини бошлаган.
Хабарга кўра, Москвадан рейсни амалга оширган самолёт жиддий талафот кўрган. Бортида 94 нафар йўловчи бўлган самолётнинг экипажи ҳам, пассажирлари ҳам соғ-омон.
Бир нафар йўловчи кичик жароҳат сабаб шифокорларга шикоят қилган, деб ёзган «ТАСС».
Изоҳ (0)