Хитойдан чартер рейслар орқали юртимизга олиб келинган ва айни пайтда карантинда бўлган фуқароларимизнинг оила аъзолари ва яқинлари билан мунтазам равишда мулоқотда бўлиб туришлари учун барча шарт-шароитлар яратилган, деб ёзмоқда Соғлиқни сақлаш вазирлиги жамоатчилик билан алоқалар бўлими.
Жорий йил 4 февраль куни Тошкент давлат стоматология институти маъмурияти биносида Call-марказ ташкил этилди. Марказда 30 га яқин видеотелефон ва стационар телефонлар ўрнатилган бўлиб, видеоконференция алоқалари ёрдамида тўғридан-тўғри мулоқот қилиши мумкин.
Ушбу марказнинг сифатли ва самарали фаолият юритиши учун шифокор ва ҳамширалар ҳамда «Ўзбектелеком» ходимлари томонидан навбатчилик ташкил қилинган, дейилади хабарда.
Изоҳ (0)