Xitoydan charter reyslar orqali yurtimizga olib kelingan va ayni paytda karantinda bo‘lgan fuqarolarimizning oila a’zolari va yaqinlari bilan muntazam ravishda muloqotda bo‘lib turishlari uchun barcha shart-sharoitlar yaratilgan, deb yozmoqda Sog‘liqni saqlash vazirligi jamoatchilik bilan aloqalar bo‘limi.
Joriy yil 4-fevral kuni Toshkent davlat stomatologiya instituti ma’muriyati binosida Call-markaz tashkil etildi. Markazda 30 ga yaqin videotelefon va statsionar telefonlar o‘rnatilgan bo‘lib, videokonferensiya aloqalari yordamida to‘g‘ridan to‘g‘ri muloqot qilishi mumkin.
Ushbu markazning sifatli va samarali faoliyat yuritishi uchun shifokor va hamshiralar hamda “O‘zbektelekom” xodimlari tomonidan navbatchilik tashkil qilingan, deyiladi xabarda.
Izoh (0)