«Тошшаҳартрансхизмат» АЖ 7 февраль куни соат 17:45 атрофида пойтахтнинг Сергели туманидаги чорраҳада автобус ва Captiva иштирокида юз берган йўл транспорт ҳодисасининг тафсилотларини ошкор этди.
Маълумотларга кўра, 12-автобус саройи тасарруфидаги 117-йўналишда қатновчи Isuzu русумидаги автобус ўз йўналиши бўйича биринчи даражали йўл – Нилуфар кўчаси бўйлаб ҳаракатланаётган вақтда иккинчи даражали йўл, яъни Нилуфар 3-тор кўчасидан келаётган Captiva автобуснинг чап орқа қисмига келиб урилган ва уни ағдариб юборган. ЙТҲ туфайли икки нафар йўловчи енгил жароҳат олган ва уларга тез тиббий ёрдам кўрсатилган.
Ҳодиса юзасидан ЙҲХБ томонидан тергов-суриштирув ишлари олиб борилмоқда.
Изоҳ (0)