Японияда 4 минг кишилик Diamond Princess саёҳат кемаси коронавирус сабабли карантинга олингани ҳақида хабар берилган эди. Кема бортида жами 2666 нафар йўловчи ва экипажнинг 1045 нафар аъзоси бўлган. «РБК»нинг ёзишича, 6 февралга келиб бортдаги 20 кишида коронавирус инфекциясининг аломатлари аниқланган. Нашр карантинда турган кемадаги ҳаёт акс этган суратларни тақдим этди.
Diamond Princess саёҳат кемаси 20 январь куни Япониянинг Йокогама шаҳридан жўнаб кетган ва 3 февраль куни қайтиб келган. Саёҳат давомида кема Япониянинг Окинава ва Кюсю оролларидаги портлари, шунингдек, Гонконг ва Вьетнамдан ўтган.
Японияга самолётда учиб келган 80 ёшли эркак 20—25 январь кунлари Diamond Princess бортида бўлган. Гонконгда мазкур йўловчидан коронавирус топилган.
Кема қабул қилиш портига киргандан сўнг уни 14 кун давомида карантинга олишга қарор қилинган.
Барча касалланганлар Япониянинг Канагава префектурасидаги касалхонага юборилган.
Япония ҳарбийлари кемага озиқ-овқатлар етказиб беради.
Diamond Princess кемаси 2004 йилда сувга туширилган. Бортда бир нечта ресторан ва бар, спа салон, бешта бассейн, фитнесс маркази, теннис корти, мини гольф майдони, тунги клуб ва казино мавжуд.
Маълумот учун, 6 февраль ҳолатига кўра, коронавирус қурбонлари сони 500 кишидан ошди.
Изоҳ (0)