Хитой 14 февралдан мамлакатга АҚШдан олиб кирилаётган умумий қиймати 75 миллиард доллар бўлган айрим товарларга давлат божи миқдорини икки бараварга камайтиради. Бу ҳақда «Коммерсантъ» хабар берди.
Ушбу товарларга бож тўловлари миқдори 2019 йилнинг 1 сентябридан оширилган эди.
«Хитой ва АҚШ ўртасидаги савдо-иқтисодий муносабатларнинг соғлом ва барқарор ривожланишига кўмаклашиш мақсадида Хитой Давлат Кенгаши ҳузуридаги божхона тўловлари ва тарифлари қўмитаси АҚШдан олиб келинадиган айрим товарларга божхона тўловларини 75 миллиард доллар миқдорида ундиришга доир чора-тадбирларни белгилашга қарор қилди», — дейилади хабарда.
Шу тарзда 14 февралдан бошлаб 2019 йил 1 сентябрда 10 фоиз бож тўланиши белгиланган товарларга 5 фоиз бож тўланади.
5 фоизлик бож тўлови белгиланган товарларга эса 2,5 фоиз миқдорида бож тўланади. Американинг бошқа товарларига нисбатан жорий этилган бож тўловлари эса сақланиб қолади.
Пекинда, шунингдек, АҚШдан импорт қилинадиган товарлар тарифларининг пасайиши давлатлар ўртасида имзоланган савдо битимининг биринчи босқичи доирасида давом этиши таъкидланди.
Изоҳ (0)