Саудия Арабистонининг “Ал-Ҳилол” клуби “Барселона” ҳужумчиси Роберт Левандовски трансферидан воз кечди. Бу ҳақда Sport.es нашри хабар берди.
Манбага кўра, Саудия клуби ёзги трансфер ойнасида 36 ёшли полшалик футболчини харид қилиш имкониятларини кўриб чиққан. Бироқ Левандовски Каталония клубини тарк этишни истамаган. Шунингдек, “Барселона” раҳбарияти ҳам футболчи билан шартнома узайтириши мумкин. Якуний қарор эса футболчининг янги мавсумдаги ўйинига боғлиқ бўлади.
“Ал-Ҳилол” кейинчалик эътиборини “Ливерпуль” ҳужумчиси Дарвин Нуньесга қаратди ва у билан 2028 йил ёзига қадар амал қиладиган шартнома имзолади. Айнан шу ҳолат клубнинг Левандовскини харид қилиш фикридан қайтарди.
Аввалроқ польшалик футболчининг жамоадан кетиши мумкинлиги ҳақида хабарлар тарқалганди. Сабаби “Барселона” раҳбарияти ҳужум чизиғини кучайтириш мақсадида Маркус Рэшфордни ижарага олди. Бу ҳолат Левандовскининг ўйин амалиётига таъсир қилиши мумкин. Шу боис, шартномаси якунлангач, ҳужумчи клубни тарк этиши эҳтимоли мавжуд.
- Левандовскининг амалдаги шартномаси 2026 йил ёзигача мўлжалланган.
- Ҳужумчи ўтган мавсум барча мусобақалар доирасида жами 52 та учрашувда майдонга тушиб, 42 та гол ва 3 та голли узатма муаллифига айланган.
- Transfermarkt портали футболчининг қийматини 12 миллион еврога баҳоланган.
Изоҳ (0)