Хитойнинг етакчи эпидемиологи Ли Ланьцзюань бошчилигидаги тадқиқотчилар гуруҳи (2019-nCoV) коронавирусга қарши курашда ютуққа эришганини эълон қилди, деб хабар беради «Korrespondent.net».
Лининг сўзларига кўра, лаборатория тажрибаларида абидол ва дарунавирнинг (ОИТСни даволаш ва олдини олиш учун ишлатиладиган антиретровирус дори) аралашмаси вирусни самарали тўхтатишга қодир. Шунингдек, мазкур дори воситаларидан Чжецзянь провинциясида коронавирусни юқтириб олган беморларни ҳам даволашда қўлланилган.
Эпидемиологнинг таъкидлашича, ҳозирда вирусга қарши қўлланилаётган ОИВ (Одамнинг иммунитет танқислиги вируси) қарши дорилари кутилганидек самарали эмас ва унинг салбий асоратлари бор. Ли Миллий соғлиқни сақлаш комиссиясига топилган дориларнинг комбинациясидан фойдаланишни тавсия қилади.
Шунингдек, олимнинг қайд этишича, коронавирусга қарши дорилардан фақатгина шифокор кўрсатмаси бўйича фойдаланиш мумкин.
Мавзуга доир:
Изоҳ (0)