Россия президенти Владимир Путин вирусга қарши препаратлар ва ниқоблар нархини оширган дорихоналардан лицензиясини олиб қўйишни таклиф қилди. Бу ҳақда «Интерфакс» хабар бермоқда.
«Фаолият юритиш учун лицензиясини олиб қўйиш керак уларни, тамом-вассалом. Бу вазиятдан фойда кўришни истаб қолишибди. Ҳар бири бўйича қарор қабул қилиш керак. Келгуси сафар бундай ҳолат такрорланмаслиги учун», — деган Путин Россия ҳукумати аъзолари билан учрашув чоғида.
Путинга айрим дорихона тармоқларидаги нарх ошиши муаммолари ҳақида коронавирусга қарши кураш бўйича тезкор штаб раҳбари, Россия бош вазири ўринбосари Татяна Голикова маълум қилганди. Унинг айтишича, баъзи дорихоналарда ниқоб ва препаратлар нарх-навоси 100 баравар кўтарилган.
Изоҳ (0)