Швейцария марказий қисмидаги фермалардан бирида сигирнинг қутуриш касаллигига чалингани рўйхатга олинган. Бу ҳақда Жаҳон жониворлар соғлиғини ҳимоя қилиш ташкилоти (OIE) маҳаллий ветеринарлик хизмати маълумоти асосида хабар қилди, деб ёзган «РИА Новости».
OIE маълумотига кўра, Швиц кантонида январь ойи охирида 13 яшар сигир касаликка чалинган ва маҳкам қилиб боғлаб қўйилган. Таҳлил натижалари қорамолнинг сигирлар ғовак энсефалопатияси (BCE) хасталигига йўлиққанини кўрсатди. Хўжаликда жами 68 та сигир мавжуд.
Сигирларнинг қутуриши ёки ғовак энсефалопатияси ҳайвонларнинг нерв тизимига таъсир кўрсатади. Бундан касаликка учраган мол гўштини истеъмол қилиш одамларда Кройсфелд-Якоб хасталигини келтириб чиқаради, у жуда ёмон оқибатларга олиб бориши мумкин.
Касаллик қўзғатувчининг асосий тўйинган қисми нерв ҳужайраларига жойлашади, улар ҳайвоннинг барча ҳужайраларида ва қон таркибида ҳам учрайди. Охирги марта қорамолларнинг қутуриши 2014 йилда Британияда кузатилган, касаллик оқибатида мамлакатнинг ўзида 177 нафар, Европада 52 нафар одам ҳаётдан кўз юмганди. 1990 йилларда Британияда сигирларнинг қутуришига қарши кураш доирасида 180 мингдан ортиқ қорамол йўқ қилинган.
Изоҳ (0)