Фавқулодда вазиятлар вазирлиги «Ўзбекистон Республикаси Фавқулодда вазиятлар вазирлигининг ҳарбий хизматчилари ва хизматчилари учун ҳарбий ва хизмат кийим-бош намуналарини тасдиқлаш тўғрисида»ги Президент буйруғи лойиҳасини муҳокамага қўйди.
Ўзбекистон Президентининг 2019 йил 10 апрель кунидаги «Фавқулодда вазиятлар тузилмаларининг фаолиятини янада такомиллаштириш бўйича ташкилий чора-тадбирлар тўғрисида»ги ПҚ-4276-сон қарори ижросини таъминлаш, шунингдек, Фавқулодда вазиятлар вазирлигининг ҳарбий хизматчилари ва хизматчилари учун ҳарбий ва хизмат кийим-бош намуналарини тасдиқлаш мақсадида:
- фавқулодда вазиятлар вазирлиги зиммасига юклатилган вазифаларнинг хусусиятидан келиб чиққан ҳолда иқлим шароитига мос, чидамли ҳарбий ва хизмат кийим-бошларни тайёрланишига алоҳида эътибор қаратилиши;
- янги намунадаги ҳарбий ва хизмат кийим-бошларни тайёрлаш билан боғлиқ бўлган молиявий харажатлар бюджет ва қонунчилик ҳужжатларида тақиқланмаган бошқа манбалар ҳисобидан тўланиши белгиланган.
Фавқулодда вазиятлар вазирлиги ҳарбий хизматчилари ва хизматчилари учун ҳарбий ва хизмат кийим-бош намуналари Туркия давлатининг «MS BARER TEXTILE LLC» қўшма корхонаси билан ҳамкорликда ишлаб чиқилган.
Таъкидланишича, ҳарбий ва хизмат кийим-бош намуналарини ишлаб чиқилиши ва тасдиқланиши учун молиявий харажатлар талаб қилинмайди.
Тақдим қилинаётган фармойиш лойиҳасининг қабул қилиниши Фавқулодда вазиятлар вазирлиги шахсий таркибини ижтимоий жиҳатдан муҳофазасини янада кучайтириб, вазирлик шахсий таркиби томонидан зиммасидаги вазифаларни самарали бажаришларини таъминлаб, аҳоли ўртасида Фавқулодда вазиятлар вазирлиги нуфузини янада ошишига хизмат қилади.
Изоҳ (0)