Favqulodda vaziyatlar vazirligi “O‘zbekiston Respublikasi Favqulodda vaziyatlar vazirligining harbiy xizmatchilari va xizmatchilari uchun harbiy va xizmat kiyim-bosh namunalarini tasdiqlash to‘g‘risida”gi Prezident buyrug‘i loyihasini muhokamaga qo‘ydi.
O‘zbekiston Prezidentining 2019-yil 10-aprel kunidagi “Favqulodda vaziyatlar tuzilmalarining faoliyatini yanada takomillashtirish bo‘yicha tashkiliy chora-tadbirlar to‘g‘risida”gi PQ-4276-son qarori ijrosini ta’minlash, shuningdek, Favqulodda vaziyatlar vazirligining harbiy xizmatchilari va xizmatchilari uchun harbiy va xizmat kiyim-bosh namunalarini tasdiqlash maqsadida:
- favqulodda vaziyatlar vazirligi zimmasiga yuklatilgan vazifalarning xususiyatidan kelib chiqqan holda iqlim sharoitiga mos, chidamli harbiy va xizmat kiyim-boshlarni tayyorlanishiga alohida e’tibor qaratilishi;
- yangi namunadagi harbiy va xizmat kiyim-boshlarni tayyorlash bilan bog‘liq bo‘lgan moliyaviy xarajatlar budjet va qonunchilik hujjatlarida taqiqlanmagan boshqa manbalar hisobidan to‘lanishi belgilangan.
Favqulodda vaziyatlar vazirligi harbiy xizmatchilari va xizmatchilari uchun harbiy va xizmat kiyim-bosh namunalari Turkiya davlatining “MS BARER TEXTILE LLC” qo‘shma korxonasi bilan hamkorlikda ishlab chiqilgan.
Ta’kidlanishicha, harbiy va xizmat kiyim-bosh namunalarini ishlab chiqilishi va tasdiqlanishi uchun moliyaviy xarajatlar talab qilinmaydi.
Taqdim qilinayotgan farmoyish loyihasining qabul qilinishi Favqulodda vaziyatlar vazirligi shaxsiy tarkibini ijtimoiy jihatdan muhofazasini yanada kuchaytirib, vazirlik shaxsiy tarkibi tomonidan zimmasidagi vazifalarni samarali bajarishlarini ta’minlab, aholi o‘rtasida Favqulodda vaziyatlar vazirligi nufuzini yanada oshishiga xizmat qiladi.
Izoh (0)