Атипик пневмонияга қарши вакцина 2019-nCoV коронавирусини тўхтатиши мумкин

2019-nCoV коронавируси инфекция қўзғатувчининг генларини ўрганган хитойлик вирусологлар унинг 2003 йилда бутун дунёга тарқалган SARS атипик пневмониясининг «яқин қариндоши» деган хулосага келди. Бу ҳақда BBC хабар қилган.

Хабарга кўра, Ухандаги коронавирус ДНКси 17 йил муқаддам 700 дан ортиқ одамнинг ҳалок бўлишига сабабчи бўлган оғир ўткир респиратор синдром –SARS’нинг генетик коди билан 80 фоизга ўхшаш.

2003 йилда атипик пневмониядан зарарланганларнинг ҳар ўнинчиси вафот этган, аммо ўзаро таққослаганда янги коронавирус нисбатан хавфсизроқдек.

Эпидемия кўлами.

Коронавирусдан зарарланганлар сони ўн баробар кўпроқ бўлиши мумкин.

«Амалда 2019-nCoV - SARS’нинг осонроқ тарқалувчи, аммо камроқ зарар келтирувчи кўринишидир», — деган Рединг университети вирусологи Иэн Жонс.

Хитойлик вирусологларнинг тадқиқотлари янги коронавирус инсон организмига АCЕ2 ҳужайра рецептори орқали кириб боришини тасдиқлади.

«Бу SARS учун ишлаб чиқилган метод усуллари ва вакциналар Ухань вирусида ҳам қўллаш мумкинлигини англатади», — дея хулоса қилган профессор.

Пандемия йўқ2020 йил 4 февраль куни Жаҳон соғлиқни сақлаш ташкилоти эпидемия бўйича навбатдаги брифингини ўтказди. Ташкилот янги коронавируснинг глобал пандемияси бошланганини тан олмаяпти, бунга асос сифатида вирусдан зарарланганларнинг аксарияти Хитойнинг материкдаги қисмида қайд этилгани келтирилган.

Аммо 20 дан ортиқ бошқа хориж мамлакатларида ҳам коронавирусдан зарарланиш билан боғлиқ 150дан ортиқ ҳолатлар кузатилган.

SARS вируси ёввойи табиат шароитида кўршапалакларда учрайди. 420 дан ортиқ одамнинг ўлимига сабаб бўлган янги коронавирус таҳлиллари унинг генлари «кенжа ёввойи» ДНКси билан деярли бир хил яъни 96 фоизга ўхшаш эканини кўрсатган.

3 февралда Nature журналида эълон қилинган тадқиқот натижаларида ҳам шундай хулоса чиқарилган. Бошқа бир оғир бемордан олинган 2019-nCoV намуналарининг 30 мингдан ортиқ занжирини таҳлил қилган биологлар кўршапалаклардаги коронавирус билан ўхшашлик 90 фоиз эканлигини аниқлаган.

«Коронавируснинг авж олиши ҳайвонлардан одамга юқадиган вируслар жуда хавфли касалликлар келтириб чиқаришини кўрсатиб қўйди», — дейди олимлар.