2019-nCoV koronavirusi infeksiya qo‘zg‘atuvchining genlarini o‘rgangan xitoylik virusologlar uning 2003-yilda butun dunyoga tarqalgan SARS atipik pnevmoniyasining “yaqin qarindoshi” degan xulosaga keldi. Bu haqda BBC xabar qilgan.
Xabarga ko‘ra, Uxandagi koronavirus DNKsi 17 yil muqaddam 700 dan ortiq odamning halok bo‘lishiga sababchi bo‘lgan og‘ir o‘tkir respirator sindrom –SARS’ning genetik kodi bilan 80 foizga o‘xshash.
2003-yilda atipik pnevmoniyadan zararlanganlarning har o‘ninchisi vafot etgan, ammo o‘zaro taqqoslaganda yangi koronavirus nisbatan xavfsizroqdek.
Epidemiya ko‘lami.
Koronavirusdan zararlanganlar soni o‘n barobar ko‘proq bo‘lishi mumkin.
“Amalda 2019-nCoV - SARS’ning osonroq tarqaluvchi, ammo kamroq zarar keltiruvchi ko‘rinishidir”, — degan Reding universiteti virusologi Ien Jons.
Xitoylik virusologlarning tadqiqotlari yangi koronavirus inson organizmiga ACE2 hujayra retseptori orqali kirib borishini tasdiqladi.
“Bu SARS uchun ishlab chiqilgan metod usullari va vaksinalar Uxan virusida ham qo‘llash mumkinligini anglatadi”, — deya xulosa qilgan professor.
Pandemiya yo‘q2020-yil 4-fevral kuni Jahon sog‘liqni saqlash tashkiloti epidemiya bo‘yicha navbatdagi brifingini o‘tkazdi. Tashkilot yangi koronavirusning global pandemiyasi boshlanganini tan olmayapti, bunga asos sifatida virusdan zararlanganlarning aksariyati Xitoyda qayd etilgani keltirilgan.
Ammo 20 dan ortiq boshqa xorij mamlakatlarida ham koronavirusdan zararlanish bilan bog‘liq 150 dan ortiq holatlar kuzatilgan.
SARS virusi yovvoyi tabiat sharoitida ko‘rshapalaklarda uchraydi. 420 dan ortiq odamning o‘limiga sabab bo‘lgan yangi koronavirus tahlillari uning genlari “kenja yovvoyi” DNKsi bilan deyarli bir xil, ya’ni 96 foizga o‘xshash ekanini ko‘rsatgan.
3-fevralda Nature jurnalida e’lon qilingan tadqiqot natijalarida ham shunday xulosa chiqarilgan. Boshqa bir og‘ir bemordan olingan 2019-nCoV namunalarining 30 mingdan ortiq zanjirini tahlil qilgan biologlar ko‘rshapalaklardagi koronavirus bilan o‘xshashlik 90 foiz ekanligini aniqlagan.
“Koronavirusning avj olishi hayvonlardan odamga yuqadigan viruslar juda xavfli kasalliklar keltirib chiqarishini ko‘rsatib qo‘ydi”, — deydi olimlar.
Izoh (0)