Гарчи Хитой ҳукумати мамлакатда тарқалган коронавирус касаллиги туфайли фавқулодда ҳолат эълон қилмаган бўлса ҳам ҳар йили бериладиган Янги йил таътиллари узайтирилган, ишлаб чиқариш корхоналарининг аксарияти ёпилган, фуқаролардан кўчиб юрмаслик ва бошқа одамлар билан мулоқотга киришмаслик сўралмоқда. Баъзи шаҳарларнинг кўчалари ҳувуллаб қолган. «РБК» нашрининг фоторепортажида бўм-бўш кўчаларнинг суратлари жамланган.
Жорий йилнинг 27 январь куни Хитой ҳукумати коронавирус тарқалиб кетишининг олдини олиш мақсадида Янги йил таътилларини узайтиришга қарор қилди. Таътил кунлари 26 январда тугаши керак эди. Хитой Халқ Республикаси давлат кенгашининг фармони барча вилоятлар, марказий бошқарув шаҳарлари ва автоном ҳудудларга бирдек тааллуқли.
Янги вирус келтириб чиқарган касаллик оқибатида 400 нафардан кўпроқ одам ҳалок бўлган. Зарарланганларнинг кўпчилик қисми Хитойда. 3 февраль ҳолатига кўра, 17 391 нафар одам касалликка чалинган (шундан 17 238 нафари Хитойда).
Хитой молиявий бозорлари 3 февраль, душанба куни, очилди. Шанхай биржасининг фонд индекси бозор очилган вақтда 8 фоизга пастлаган — бу охирги тўрт йил ичидаги энг ёмон натижа.
Вируснинг тарқалиши Хубэй вилояти маркази ҳисобланган Ухань шаҳрида бошланган.
Коронавирус тарқалгани ҳақидаги хабарлар ва ҳукумат томонидан қўйилган чекловлар туфайли Хитойда нефтга бўлган талаб 20 фоиз пастлаган.
Хитой шаҳарларида яшовчи аҳолига кўчиб юрмаслик, қўлларни тозалаб ювиб ва ўзаро мулоқотларни қисқартириш тавсия қилинган.
Айрим мамлакатлар, жумладан, Россия Хитой шаҳарлари билан боғловчи авиа ва темир йўл қатновларини тўхтатган.
Хитой туристлар ташрифи кўп кузатиладиган айрим жойлар, жумладан, Буюк Хитой девори ва Шанхайдаги Disneylend’ни вақтинча ёпган.
Катта шаҳарларнинг кўпчилигида кўчалар ҳар куни санитария қайта тозаловидан ўтказилмоқда.
Изоҳ (0)