Хитой соғлиқни сақлаш миллий комиссияси маълумотларига кўра, мамлакатда 3 февраль ҳолати бўйича 20 438 та коронавирусни юқтириш ҳолати қайд этилган, деб хабар берди «РБК».
Хитойда коронавирусдан вафот этганлар сони 425 кишига етди. Комиссия 2788 та ҳолатда беморларнинг аҳволи оғирлигини маълум қилган.
Аввалроқ эпидемия эпимаркази Хубэй провинцияси маъмурияти статистикани тақдим этганди. Ушбу ҳудудда бир суткада 64 киши коронавирусдан вафот этган.
Вафот этганларнинг аксарияти Ухань шаҳри аҳолисидир. Бу ерда бир суткада 48 киши вафот этган. Қурбонларнинг 313 нафари Ухань шаҳрида яшаган.
Аввалроқ Хитойда коронавирусдан 361 киши вафот этгани ҳақида хабар берилган эди.
3 февраль куни Хитойдан Тюменга келган ҳамда коронавирус аниқланган хитойлик талаба қиз билан бир самолётда учган уч нафар Ўзбекистон фуқароси Ханти-Мантийск автоном округидаги Нижневартовск касалхонасига ётқизилди. ТИВ ўзбекистонликнинг коронавирус гумони билан касалхонага жойлаштирилганини тасдиқлади.
Маълумот учун, Хитойдан 2 февраль куни 157 нафар ўзбекистонлик талаба қайтиб келди. Ўзбекистон фуқаролари 14 кун муддатга тиббий назоратга олинмоқда. Россия Ўзбекистон ва Қозоғистонни коронавирусни аниқловчи ускуналар билан таъминлади.
Мавзуга доир:
- Хитойда коронавирусдан 361 киши вафот этди. Бу 2000 йиллар бошидаги пневмония қурбонлари сонидан ҳам кўпроқ
- Хитойдан 2 февраль куни 157 нафар ўзбекистонлик талаба қайтиб келди
- Россияда коронавирусни юқтирган хитойлик билан гаплашган 3 ўзбекистонлик касалхонага ётқизилди
- Ўзбекистонга Россиядан коронавирусни аниқловчи ускуналар олиб келинди
Изоҳ (0)