Гонконгда коронавирус оқибатида биринчи ўлим ҳолати қайд этилди, деб хабар бермоқда «Коммерсантъ» маҳаллий телевидениега таяниб. Бу Хитой ташқарисида қайд этилган икки ўлим ҳолати. Биринчиси Филиппинда кузатилган бўлиб, 44 ёшли эркак вафот этганди.
Аввалроқ маҳаллий ҳукумат 39 ёшли эркакда «асосий касаллик» аниқлангани ҳақида хабар берган. Гонконгда коронавирус билан зарарланишнинг 15 ҳолати тасдиқланган.
3 февраль ҳолатига кўра, Хитойда 17238 кишида коронавирус аниқланиб, умумий ҳисобда 361 киши вафот этган. Бу атипик пневмония қурбонлари сонидан ҳам кўпроқ. Жаҳон соғлиқни сақлаш ташкилотининг қайд этишича, Хитойда 2002—2003 йилларда тарқалган атипик пневмония 349 кишини ҳаётига нуқта қўйган.
Сўнгги маълумотларга кўра, Хитойда коронавирусдан 361 киши вафот этди. Бу 2000 йиллар бошидаги пневмония қурбонлари сонидан ҳам кўпроқ. Ҳозирга қадар 480 га яқин киши соғайгани айтилмоқда. Бошқа мамлакатларда коронавирусни юқтирганлар сони 150 кишидан ортиқни ташкил қилмоқда.
Олимларга кўра, 2020 йилнинг 25 январь ҳолатида коронавирусни юқтирган беморлар сони 75 815 нафарни ташкил этган. Бу эса расмий равишда эълон қилинган рақамлардан ўн баравар кўп.
Изоҳ (0)