Brent туридаги нефтнинг бир баррели нархи Лондоннинг ICE биржасида 3 февраль куни 3,8 фоизга, 54,7 долларгача пасайди. Бу ҳақда Meduza хабар бермоқда.
Бу охирги 13 ой мобайнидаги энг паст кўрсаткич ҳисобланади.
Нефть нархининг тушиши Хитойда коронавирус туфайли нефтга талабнинг 20 фоизга — кунига уч миллион баррелгача камайиши фонида рўй бермоқда.
Bloomberg нашрига кўра, нефтга талабнинг бу даражада пасайиши 2008—2009 йиллардаги молиявий инқироз давридан бери энг йириги ва 11 сентябрь терактларидан бери энг кутилмагани бўлди.
Маълумот учун, Хитой дунёдаги энг катта нефть импорт қиладиган давлатлардан бири бўлиб, мамлакатда кунига 14 миллион баррель нефть ишлатилади. Бу Франция, Германия, Италия, Испания, Буюк Британия, Япония ва Жанубий Кореянинг биргаликда бир кунлик истеъмолига тенг.
Изоҳ (0)