Хитойда коронавирусни юқтириб олганлар сони 5974 кишига етди, вафот этганлар сони эса 132 кишини ташкил этмоқда, деб хабар беради «Коммерсантъ».
Бошқа мамлакатларда ҳам вирусни юқтириб олган фуқаролар билан ҳисобланганда жабрланувчилар сони 6 052 кишига етган. Маҳаллий ҳукумат вакилларининг маълум қилишича, вафот этганларнинг аксарияти 60 ва ундан катта ёшдагилар.
South China Morning нашрининг таъкидлашича, янги коронавирус билан касалланганлар сони 2002—2003 йилларда Хитойда пневмония билан касалланганлар сонидан кўп. Бутунжаҳон соғлиқни сақлаш ташкилотининг маълумотларига кўра, ўшанда 5 327 кишида ушбу касаллик аниқланган, 349 киши вафот этган.
Халқаро соғлиқни сақлаш ташкилоти раҳбари Адхан Гебрейесус Пекинда Хитой раиси Си Цзиньпин билан касалликдан ҳимояланиш йўлларини муҳокама қилди. У халқаро экспертларни Хитойга юборишини маълум қилган.
Маълумот учун, Хубэйдаги Ухань шаҳри коронавирус ўчоғи ҳисобланади. Бундан ташқари, яна ўндан ортиқ мамлакатда, хусусан, Германияда ҳам худди шу вирус билан касалланиш ҳолатлари аниқланган. Шаҳри мери Чжоу Сянван маҳаллий аҳоли олдида ўз айбига иқрор эканлиги белгиси сифатида истеъфога чиқишни режалаштирмоқда.
Эпидемия сабаб Хитойдаги умумий аҳолиси 57 миллион кишига тенг 15 та шаҳар тўлиқ ёки қисман ёпилган. Хитой раҳбари Си Цзиньпин вазиятни мураккаб деб атаган.
Мавзуга доир:
Изоҳ (0)