Қишнинг қоқ чилласида чўкаётган аёлни қутқариб қолган боғотлик Ёқуббой Дўстметов Россияда қийин вазиятга тушиб қолди. Бу ҳақда «Xabar.uz» маълум қилди.
Ёқуббой Дўстметов 26 январь куни қорнида пайдо бўлган қаттиқ оғриқдан касалхонага тушди. Махсус текширувдан сўнг, зудлик билан жарроҳлик амалиётини бошдан кечирган.
Маълум бўлишича, ўн йил аввал кўричак (аппендицит) ташхиси билан жарроҳлик столига ётишга мажбур бўлган йигитнинг кўричак ўрни қаттиқ яллиғланган ва йиринг тўплана бошланган. Натижада Краснодар ўлкаси марказий шифохонаси жарроҳлари унинг яллиғланган ичагини кесиб ташлашга мажбур бўлган.
Ҳозирда беморнинг ҳолати анча яхши. Бироқ яқиндагина Россияга ишлагани келиб, ҳали бирор юмуш бошини тутишга улгурмаган йигитнинг моддий аҳволи қандай бўлиши маълум.
Кутилмаган кўнгилсизликдан хоразмлик йигит анча қийин вазиятга тушиб қолган. Энди унинг ўзи кўмакка муҳтож.
Алоқа линиялари: +79002380132 ёки +998 99 749 98 75 рақамида IMO очилган.
Изоҳ (0)