Давлат статистика қўмитаси эълон қилган маълумотга кўра, 2019 йилда молия ва суғурта соҳаси вакилларининг ўртача ойлик иш ҳақи 4,8 млн сўмни ташкил этган.
Бир йил ичида ушбу соҳада ойлик маоши 1,3 млн сўмга кўтарилган (2018 йилда ушбу рақам 3,5 млн сўмни ташкил этган). Бу энг юқори кўрсаткич. Иккинчи ўринни Ахборот ва алоқа мутахассислари эгаллаган, уларнинг ўртача маоши 4 млн сўмни ташкил қилади (700 минг сўмга ошган). Саноат ва ишлаб чиқариш соҳасида номинал ойлик маош йилига 2,7 миллион сўмдан 3,3 миллион сўмгача кўтарилган.
Рейтингдаги маошни реал деб бўлмайди, уни ҳисоблашда ҳудудларда рўйхатдан ўтказилган ташкилотлар сони, иш ҳақи фонди, ходимлар сони ҳисобга олинади.
2019 йилда 1,7 миллион нафар одам ойига 1 миллион сўмгача миқдорда иш ҳақи олган. Бу мамлакатдаги ходим қўлига тегадиган ойлик маошнинг 43,6 фоизини ташкил этади.
Изоҳ (0)