КХДР ҳукумати коронавирус тарқалишига қарши курашиш мақсадида Хитойдан келган хорижликларни бир ой муддатга карантинга жойлаштириш бўйича қарор қабул қилди, деб хабар беради «ТАСС».
«28 январдан бошлаб Россиянинг Пхеньяндаги элчихонаси КХДР ТИВ депатаментидан коронавирус тарқалишининг олдини олишни кўзда тутувчи нотани олди.
Барча чет элликлар, шу жумладан, КХДРда аккредитациядан ўтган дипломатик ваколатхоналар ходимлари ва КХДРга Хитойдан тўғридан тўғри ёки Россия орқали транзит билан келадиган халқаро ташкилотларнинг ваколатхоналари ходимлари изоляция қилинади ва бир ой давомида тиббий назоратда бўлишади», — дейилади хабарда.
КХДРга самолётда келган меҳмонлар Жанубий Пхёнан провинциясидаги Пхёсон шаҳрига жойлаштирилади. Чегарадан Синийчжу ўтказиш пункти орқали поезд ёки автомобилда ўтган фуқаролар Шимолий Пхёнандаги Синийчжу шаҳрига жойлашади.
«Протокол департаменти кўрилаётган барча чора-тадбирлар КХДРдаги аккридитациядан ўтган ходимларнинг хавфсизлиги ва ҳимоясига йўналтирилганига эътибор қаратишларини маълум қилади», — дея таъкидланади хабарда.
Мавзуга доир:
- АҚШда коронавирус билан касалланган бешта ҳолат аниқланди
- Хитойда тарқалган коронавирус ҳақида билиш зарур бўлган маълумотлар
- ТИВ Хитойда бўлиб турган ёки у ерга бормоқчи бўлган Ўзбекистон фуқароларини огоҳликка чақирди
- Хитойда тарқалган янги коронавируснинг илк аломатлари маълум қилинди
- Хитойда ўқиётган ўзбекистонликлардан коронавирус ҳақида нотўғри маълумот тарқатиб, вазиятни кескинлаштирмаслик сўралди
Изоҳ (0)