Япония коронавирус ўчоғи ҳисобланган Хитойнинг Ухань шаҳрида 200 га яқин фуқаросини қайтариб олиб келиш учун чартер рейс юборади. Бу ҳақда мамлакат ташқи ишлар вазири Тосимицу Мотегига таяниб, «ТАСС» хабар берди.
«Мен Ухандаги японияликларни мамлакатга қайтариш бўйича Хитой ТИВ раҳбари Ван И билан телефон орқали суҳбатлашдим. Япониядан Уханга биринчи чартер рейс бугун кечаси учади. Эртага эрталаб у ортга қайтади ва куннинг биринчи ярмида Токиодаги Ханеда аэрпортига етиб келади. Биз 200 га яқин одамни эвакуация қилишни мўлжалланганмиз», — дейди Мотеги.
Самолёт ортга қайтаётганида шифокорлар ва санитар-эпидемиология назорати мутахассислари йўловчиларни тўлиқ тиббий кўрикдан ўтказади. Агарда касаллик аломатлари аниқланса, улар Токиодаги махсус шифохонага жойлаштирилади. Шифокорлар томонидан аҳволи яхши дея топилган фуқаролар ўзларини ёмон ҳис қилишлари билан шифокорга мурожаат қилишлари лозимлиги бўйича ҳужжатга имзо чекади.
Вазирнинг сўзларига кўра, Ухандан ўз хоҳиши билан кетиш истагини жами 650 нафар япон фуқароси билдирган. Япония Хитой томони билан келишган ҳолда эвакуация қилишни давом эттиради. Шунингдек, Япониядан Хитойга тиббий ниқоблар ва ҳимоя кийимлари етказиб берилади.
Ухандаги японияликлар орасида кўплаб компанияларнинг ваколатхоналарида ишловчи ходимлар мавжуд. Хусусан, шаҳарни тарк этиши керак бўлганлар орасида Honda автомобиль концернининг 30 нафар ходими ҳам бор.
Мавзуга доир: ТИВ ўзбекистонликлардан миш-миш тарқатмасликни сўраб, коронавирусдан ҳимояланиш бўйича тавсиялар берди
Изоҳ (0)