Қозоғистонда коронавирус сабаб Хитой фуқароларига виза расмийлаштириш тартибини қийинлаштирди. Эндиликда хитойликлар соғлиғи тўғрисидаги маълумотномани ҳам тақдим этишлари лозим. Бу ҳақда Қозоғистон ташқи ишлар вазирининг ўринбосари Шуҳрат Нуришевга таяниб, «РИА Новости» хабар берди.
Хитой Соғлиқни сақлаш давлат қўмитаси томонидан тақдим этилган сўнгги маълумотларга кўра, коронавирус сабаб юзга келган пневмония билан касалланганлар сони 4 515 кишига етган, уларнинг 106 нафари вафот этган. Коронавирус Хитойдан ташқари Гонконг, Макао, Тайван, Таиланд, Япония, Жанубий Корея, АҚШ, Канада, Вьетнам, Сингапур, Непал, Франция, Австралия, Малайзия ва Германияда ҳам қайд этилган.
«Бизнинг Хитойдаги элчихонамиз, бош консуллигимиз ҳозирда хитойликлар учун виза расмийлаштириш тартибини кучайтирган», — дейди Нуришев.
Шунингдек, унинг маълум қилишича, Хитой фуқаролари учун аэропортга келганида электрон виза расмийлаштиришни тўхтатиш бўйича қарор қабул қилинган.
Мавзуга доир:
Изоҳ (0)