КХДР Хитойда тарқалган коронавируснинг янги тури сабабли хорижий сайёҳларнинг мамлакатга киришини вақтинча тақиқлади. Мамлакатга келадиган сайёҳларнинг асосий қисмини хитойликлар ташкил қилади. Бу ҳақда «Коммерсантъ» хабар берди.
Қайд этилишича, КХДР коронавируснинг тарқалиши назорат остида эканлиги ҳақида хулосага келмагунча, барча хорижий сайёҳлар учун мамлакатга киришни тўхтатади.
Мазкур вирус оқибатида Хитойда вафот этганлар сони 6 кишига етди. Вирусни юқтириб олганлар сони 1723 минг нафарни ташкил қилгани ҳақида хабар берилган эди.
Хитойда номаълум вирус сабабли тарқалган пневмония тўлқини декабрь ойининг охирида Ухан шаҳрида юзага келган. Январь ойининг ўртасида Таиланд ва Японияда мазкур вирусдан зарарланиш бўйича дастлабки ҳолатлар қайд этилган.
Жаҳон соғлиқни сақлаш ташкилоти 22 январь, чоршанба куни, Хитойда янги коронавирус тарқалиши сабабли фавқулодда қўмитанинг шошилинч йиғилишини чақирди. Касаллик Хитойда тарқалган, аммо ундан зарарланиш ҳолатлари Жанубий Корея, Япония ва Таиландда ҳам қайд этилган.
Ўзбекистон Хитойда тарқалган мазкур вирус сабабли чегарадаги санитар назоратни кучайтирди.
Изоҳ (0)