КХДР АҚШ билан эришилган келишувларга, жумладан ядро синовларини ўтказиш ва қитъалараро баллистик ракеталарни ишга тушириш борасидаги ҳаракатларни тўхтатиб туришга ортиқ амал қилмоқчи эмас. Бу ҳақда БМТнинг Женевадаги бўлинмасида мамлакатнинг доимий ваколатхонаси маслаҳатчиси Чжу Ён Чхоль маълум қилган. Унинг сўзларига кўра, Пхеньян Вашингтон 2019 йил охирида ядро келишувлари бўйича охирги муддатларни инкор қилганидан кейин шундай қарорга келган.
«Биз мажбуриятни бир томонлама бажарилишида иштирок этмасликни маъқул кўрдик, иккинчи томон уни ҳурмат қилмаганидан кейин келишувга амал қилгандан нима наф?», — деган КХДР вакили қуролланиш юзасидан ўтказилган конференцияда. У Вашингтон мамлакатга нисбатан иқтисодий санкциялар қўллашда давом этса, Корея яриморолини ядро қуролидан холи қилиш ҳеч қачон амалга ошмаслигини билдирган.
«АҚШ бир томонлама шарт қўйишда давом этиб санкциялар қўлласа, Шимолий Корея ҳам янги йўл излашга мажбур бўлади», — деган дипломат.Мавзуга доир:
Изоҳ (0)