KXDR yadro qurollarining sinovini to‘xtatmoqchi emas

KXDR AQSh bilan erishilgan kelishuvlarga, jumladan yadro sinovlarini o‘tkazish va qit’alararo ballistik raketalarni ishga tushirish borasidagi harakatlarni to‘xtatib turishga ortiq amal qilmoqchi emas. Bu haqda BMTning Jenevadagi bo‘linmasida mamlakatning doimiy vakolatxonasi maslahatchisi Chju Yon Chxol ma’lum qilgan. Uning so‘zlariga ko‘ra, Pxenyan Vashington 2019-yil oxirida yadro kelishuvlari bo‘yicha oxirgi muddatlarni inkor qilganidan keyin shunday qarorga kelgan.

“Biz majburiyatni bir tomonlama bajarilishida ishtirok etmaslikni ma’qul ko‘rdik, ikkinchi tomon uni hurmat qilmaganidan keyin kelishuvga amal qilgandan nima naf?”, — degan KXDR vakili qurollanish yuzasidan o‘tkazilgan konferensiyada. U Vashington mamlakatga nisbatan iqtisodiy sanksiyalar qo‘llashda davom etsa, Koreya yarimorolini yadro qurolidan xoli qilish hech qachon amalga oshmasligini bildirgan.

“AQSh bir tomonlama shart qo‘yishda davom etib sanksiyalar qo‘llasa, Shimoliy Koreya ham yangi yo‘l izlashga majbur bo‘ladi”, — degan diplomat.2019-yil oxirida Pxenyan KXDR bilan muzokaralarga tayyorligini bildirgan Vashingtonning bayonotlariga ishonmasligini ma’lum qilgan. 2020-yil yanvar oyi boshida KXDR yetakchisi Kim Chen In AQSh Koreya yarimorolida harbiy mashg‘ulotlar o‘tkazishda davom etsa mamlakatning yadro kelishuvi bo‘yicha moratoriyga amal qilmasligini aytgan. Shuningdek, yangi strategik qurollar namoyish etilishiga sha’ma qilgan. AQSh ushbu gaplarga javoban ikki davlat o‘rtasidagi muzokaralarning navbatdagi raundini Stokgolmda o‘tkazishni taklif qilgandi.