Маданият вазирлиги Самарқанддаги «Ашратхона» мақбарасини меҳмонхонага айлантириш бўйича хорижий давлат томонидан ҳеч қандай мурожаат тушмаганини маълум қилди.
Самарқанд шаҳри Садриддин Айний кўчаси 6-манзилда жойлашган XV асрда барпо этилган «Ашратхона» (Ишратхона) мақбараси Туркистон Республикаси Марказий Ижроия қўмитаси ва Халқ комиссарлари кенгашининг 1923 йил 27 мартдаги 52-сон қарори билан тарихий, меъморий маданий мерос объекти сифатида давлат мухофазасига олинган.
Таъкидланишича, Маданият вазирлигига «Ашратхона» (Ишратхона) мақбарасини таъмирлаш-тиклаш ишларини олиб боришга ёки меҳмонхоналарга мослаштириш бўйича хорижий давлат томонидан мурожаатлар тушмаган.
Оммавий ахборот воситаларида тарқалаётган маълумотларга кўра, испанияликлар томонидан ушбу маданий мерос ёдгорлиги меҳмонхонага айлантириш масаласи кўрилаётганлиги ёзилмоқда.
Моддий маданий мерос объектида таъмирлаш тиклаш ишлар ёки меҳмонхоналарга мослаштириш ишларини олиб бориш учун, Вазирлар Маҳкамасининг 2019 йил 30 мартдаги 265-сонли қарорига мувофиқ, объект бўйича бирламчи лойиҳа таклифларини, Маданий мерос департаментининг Илмий-эксперт кенгашига тақдим этилади. (Маълумот учун, Илмий-эксперт кенгаши таркиби, аъзолари илмий даражага эга бўлган олимлардан иборат)
Ўз навбатида Илмий-эксперт кенгаш аъзолари объектнинг лойиҳа таклифларини кўриб чиқиб, объект бўйича ўз хулосаларини беради.
Аввалроқ, Ўзбекистон Туризмни ривожлантириш давлат қўмитаси раиси вазифасини вақтинча бажарувчи Абдулазиз Аққуловнинг Испания меҳмонхоналар тармоғи вакиллари билан учрашувда Paradores de turismo de Espana компанияси Самарқанд ва Бухорода меҳмонхоналар қуриш имкониятини кўриб чиқаётгани ҳақида хабар берилганди.
Изоҳ (0)