Қашқадарё вилояти Косон туманида тегишли ҳужжатларсиз автомобиль бошқарган фуқаро жавобарликка тортилмаслик учун ЙПХ ходимига 2 миллион сўм пора беришга уринган, деб хабар беради ИИВ ЙҲХББ ахборот хизмати.
Қашқадарё вилояти ИИБ ЙҲХБ ЙПХ 3-отряди 2-сафарбарлик гуруҳи йўл патрул хизмати катта инспектори А. Ҳақбердиев хизмат тақсимотига кўра 18 январь куни соат 04:10 ларда Косон тумани бўйлаб хизмат олиб бориш жараёнида «Ваз-2106» русумли автомобиль ҳайдовчисини ўрнатилган тартибда тўхтатган.
Автомашинани кўздан кечириш жараёнида ҳайдовчи Х.С. транспорт воситасини тегишли ҳужжатларсиз бошқариб юрганлигини аниқланган ва унга нисбатан маъмурий баённома расмийлаштириб, транспорт воситасини вақтинчалик жарима майдончасига жойлаштирган.
Мулоқот жараёнида ҳайдовчи Х.С. жавобгарликдан қочиш мақсадида ЙПХ катта инспектори А.Ҳақбердиевга 2 миллион сўм пулларни пора тариқасида таклиф қилган.
Ходимнинг билдиргисига кўра ўтказилган тезкор тадбирда давомида шу куни соат 16:00 ларда фуқаро Х.С. ЙПХ катта инспектори А.Ҳақбердиевга 950 минг сўм ва 100 АҚШ доллари миқдоридаги пулларни пора тариқасида бераётган вақтида ушланган.
Мазкур ҳолат юзасидан Қашқадарё вилояти прокуратураси томонидан терговолди суриштирув ҳаракатлари олиб борилмоқда.
Изоҳ (0)