Ўзбекистон Олий Мажлиси Қонунчилик палатасининг сайловдан кейинги биринчи мажлисида чиқиш қилган Президент Шавкат Мирзиёев ўтган сайлов жараёни ҳақида фикр билдириб, янги сайланган депутатларга айрим тавсиялар берди. Бу ҳақда «Дарё» мухбири Миролим Исажонов хабар бермоқда.
2019 йилги сайловларда одамларнинг сиёсий билими ошди, партияларга ишончи пайдо бўлди. Мен дебатларни, ундаги тортишувларни кузатиб бордим. Аҳолининг талабчанлиги ошди, улар энг керакли нарсаларни ҳал қилиб беринг деб сўраяпти.Энг муҳими, партиялар ўртасидаги рақобат сохта обрў орттиришга эмас, аҳоли муаммоларини ҳал қилишга йўналтирилиши керак. ОАВ ривожланяпти, халқ энди сизларни кўрганда «мана мен сайлаган депутат дейди», ваъдангиз бўйича ҳисоб сўрайди.
Бир ойда битта муаммони ҳал қилинг — бир йилда 12 ой бор. Ўзингиз билан ўзингиз гаплашганда виждонан ўйланг, «нима муаммо ҳал қилдим», деб. Бир ойда битта муаммо ҳал қилинг — ўз тарихингиз пайдо бўлади.
Шавкат Мирзиёев, Ўзбекистон Президент
Изоҳ (0)