Тошкентдан оқиб ўтувчи каналлар тозаланиб, тартибга келтирилмоқда (видео)

Тошкент шаҳар ҳокимлиги томонидан пойтахтдан оқиб ўтувчи каналларни тозалаш ва тартибга келтириш ишлари давом этмоқда.

Пойтахт ҳокимлиги ахборот хизматининг хабар беришича, айни кунларда «Жўн» каналининг Сергели тумани «Чоштепа» маҳалласидан оқиб ўтувчи қисмида тозалаш ишлари олиб борилмоқда.

«Чоштепа» маҳалласидан «Жўн» каналининг 5,87 километр қисми оқиб ўтган бўлиб, ҳозирга қадар 2 километр ҳудудида тозалаш ишлари олиб борилди. Тозалаш ишлари махсус техникалар ёрдамида амалга оширилди.