Эрон расмийлари Теҳрон яқинида қулаган «Украина халқаро авиалиниялари»га тегишли Boeing 737 самолётининг қора қутиларини Францияга топшириш ниятида. Бу ҳақда Эрон фуқаро авиацияси ташкилотининг суриштирувлар бўлими бошлиғи ўринбосари Ҳасан Ризоифар маълум қилди, дея хабар бермоқда IRNA.
Ризоифарнинг сўзларига кўра, Эрон қора қутиларни ўз ҳудудида тадқиқ этмоқчи эди, аммо уларни расшифровка қилиш имкони йўқлиги боис, борт ёзувчиларини Францияга топширишга қарор қилган.
Эрон дастлаб Канада, Франция ва АҚШдан қора қутиларни расшифровка қилиш имконини берувчи қурилмаларни тақдим этишни сўраган эди, бироқ учала мамлакат ҳам бу илтимосни рад этди. Охир-оқибат Эрон Украина, Швеция, Буюк Британия, Канада ва АҚШга мустақил лаборатория танлашни таклиф қилди ва улар қора қутиларни Францияга юборишни маъқул топди.
Аввалроқ Эроннинг IRINN янгиликлар канали самолёт қора қутилари акс этган видеоёзувларни эълон қилган эди.
9 январь куни Bellingcat асосчиси Элиот Хиггинс, гувоҳларнинг сўзларига асосланиб, фожиа жойидан самолёт бўлаклари бульдозерлар ёрдамида олиб ташланганини маълум қилган эди. Унинг сўзларига кўра, бу ҳақиқий тергов олиб бориш имконини йўққа чиқаради. CBS журналисти Элизабет Палмер ҳам маҳаллий аҳолига таяниб, бу маълумотни тасдиқлади. Унинг қайд этишича, ҳодиса жойида ўраб олинмаган ва қўриқланмаяпти.
CBS crew just visited the #Ukrainian airlines crash site west of Tehran. Nine am local time. Virtually all pieces of the plane were removed yesterday - say locals. Scavengers now picking site clean. No security. Not cordoned off. No sign of any investigators. pic.twitter.com/hhNJyokhjq
— Elizabeth Palmer (@CBSLizpalmer) January 10, 2020
Эрон Украина самолётини тасодифан, инсон хатоси туфайли ҳаво ҳужумидан мудофаа тизими ракетаси билан уриб туширганини 11 январь куни тан олди. Эрон Қуролли кучлари Бош штабидан маълум қилишларича, йўловчи самолёти душман учоғи сифатида қабул қилинган ва унга қарата ракета учирилган.
Изоҳ (0)