Буюк Британиянинг Евроиттифоқдан чиқиш ҳақидаги қарори мамлакат иқцодиётига 132.8 миллиард фунт стерлингга (173,8 миллиард доллар) тушди. Бу ҳақда Bloomberg Economics маълум қилди.
Агентлик томонидан ўтказилган тадқиқотда Буюк Британиянинг катта еттилик мамлакатларидан 2016—2019 йилларда қанчалик орқада қолгани таққосланган.
Қайд этилишича, тарихан Буюк Британия иқтисодиёт катта еттилик малакатларидан ортда бўлган, бироқ Brexit ҳақидаги қарор бу фарқни кучайтириб юборган. Айни пайтда мамлакат иқтисодиёти «еттилик» аъзолари билан таққослаганда ўз имкониятидан уч фоизга пастроқ даражада турибди.
Bloomberg’нинг прогнозларига кўра 2020 йилнинг охирига бориб, Буюк Британиянинг Brexit’дан кўрадиган йўқотишлари қиймати 203 миллиард фунт стерлинг ёки 265 миллиард долларни ташкил қилади.
Буюк Британия парламентининг қуйи палатаси 9 январь куни Евроиттифоқдан чиқиш ҳақидаги қонун ҳужжатини маъқуллади. Энди ҳужжат парламентнинг юқори палатаси томонидан кўриб чиқилиши керак. Буюк Британия бош вазири Борис Жонсоннинг вакили Лордлар палатасини қонун лойиҳасининг қабул қилинишига қаршилик қилмасликка чақирди. Аввалроқ, Евроиттифоқ Brexit’ни 2020 йилнинг 31 январигача кечиктиришга розилик билдирган.
Изоҳ (0)