«Ал-Қудс» махсус бўлинмаси раҳбари генерал Қосим Сулаймоний ўлдирилган куни америкалик ҳарбийлар Яманда эронлик яна бир юқори мартабали ҳарбийни йўқ қилишга уринган, деб хабар беради The Washington Post.
Гап «Ал-Қудс»нинг молиявий масалалар бўйича мутахассиси Абдул Разо Шахалий ҳақида кетмоқда. Бироқ Вашингтон уни ўлдиришга муваффақ бўлмаган.
Маълумотларга кўра Абдул Разо Шахалийни йўқ қилишга уриниш яна амалга оширилиши мумкин. АҚШ администрациясининг таъкидлашича, у Қўшма Штатлар ва унинг иттифоқдошларига қарши бир қатор ҳужумларга алоқадор. «Айни вақтда операция махфийлигича қолмоқда. Бунга америкалик ҳарбийларнинг омадсизлиги билан боғлиқ бўлиши мумкин, агар Шахалий ўлдирилганида АҚШ бу ҳақда маълум қилган бўларди», — дейилади хабарда.
Эслатиб ўтамиз, Қосим Сулаймоний 3 январь куни АҚШ томонидан амалга оширилган авиазарбалар оқибатида ҳалок бўлганди. 8 январь куни Эрон АҚШнинг Ироқдаги иккита ҳарбий базасига ҳужум қилди. Шу орқали Эрон ҳукумати Сулаймонийнинг ўлдирилишига жавоб қайтарди.
Изоҳ (0)