Хитойнинг Ухан шаҳрида илгари номаълум бўлган коронавирусдан биринчи одам вафот этди, деб хабар бермоқда «Коммерсантъ» Reuters’га таяниб.
Эслатиб ўтамиз, Хитойнинг аҳоли зич жойлашган Ухан шаҳрида пневмониянинг номаълум тури пайдо бўлгани ҳақида декабрь ойи охирларида маълум бўлган. 3 январь ҳолатига кўра шаҳарда 44 та вирусли превмония ҳолати аниқланган, 11 нафар бемор оғир аҳволда бўлган. Шунингдек, яна 121 киши шифокорлар назорати остида бўлган. Уларнинг барчаси беморлар билан яқин алоқада бўлган. Кейинчалик касалланган беморлар сони 59 нафарга етган.
9 январь куни лаборатория тадқиқотлари натижасида пневмония тарқалишига илгари номаълум бўлган коронавирус сабаб бўлгани аниқланган. Нуклеин таҳлили ёрдамида коронавируснинг янги тури юқиши билан боғлиқ 15 та ҳолат тасдиқланган.
Изоҳ (0)