Бугун,

  • USD 11095.31
  • RUB 173.84
  • EUR 10772.44

Эрон президенти Ҳасан Руҳоний эронлик ҳарбийлар «Украина халқаро авиалиниялари»га тегишли Boeing 737 йўловчи самолётини хатолик сабабли уриб туширганини тан олди, деб хабар беради «Коммерсантъ».

Фото: «ТАСС»

Фото: «ТАСС»

8 январь куни Теҳрон яқинида Boeing 737 самолётининг қулаши оқибатида 176 киши — 82 нафар эронлик, 63 нафар канадалик, 11 нафар украин, 10 нафар швед, тўрт нафар афғон, уч нафар немис ва уч нафар британиялик ҳалок бўлган эди. Эрон ҳукумати авиаҳалокатга техник носозлик сабаб бўлганини таъкидлаб, Boeing’га ракета келиб урилганини рад этаётганди. Орадан уч кун ўтиб Теҳрон фалокат сабабчиси эканлигини тан олди.

Руҳоний ҳалок бўлганларнинг яқинларига ҳамдардлик билдирди. Унинг таъкидлашича, Эрон ушбу «мудҳиш фожиа ва кечириб бўлмас хато» бўйича текширувларни давом эттиради.

«Ички текширув шуни кўрсатдики, инсон хатоси туфайли отилган ракеталар Украина самолёти билан даҳшатли фалокатни келтириб чиқариб, 176 бегуноҳ одамнинг ўлимига олиб келди. Эрон мазкур фожиавий хатодан чуқур қайғуда», — деб ёзади Руҳоний ўзининг Twitter’даги саҳифасида.

Изоҳ
Асосий янгиликлар
Спорт
Элдор Шомуродов Турин клубидан жиддий таклиф кутаётгани маълум бўлди
Маҳаллий
Ўзбекистонда 3 декабрь куни об-ҳаво ёғингарчиликсиз, лекин туманли бўлиши кутилмоқда
Маҳаллий
Тошкент туманининг Қозоғистон билан чегарадош ҳудудларидаги хонадонлар бузилиб, чегарани мустаҳкамлаш объектлари қурилади