Уммон султони Қобус бин Саид 79 ёшида вафот этди, деб хабар беради Reuters.
Қобус бин Саид ўз отаси Саид бин Таймурни тахтдан ағдариб, 1970 йилдан буён мамлакатни бошқариб келаётганди. Султоннинг вафоти муносабати билан уч кунлик мотам эълон қилинган.
Қобус бин Саид 2015 йили саратонга чалинган эди. У нафақат давлат раҳбари сифатида мутлақ монарх, балки ҳукумат раҳбари, олий бош қўмондон, мудофаа, ташқи ишлар ва молия вазири ҳисобланган. Шунингдек, Уммонда Вазирлар Маҳкамаси ҳам султон томонидан тайинланади.
Султоннинг фарзандлари бўлмаган, шу сабабли у меросхўрини оммага эълон қилмаган. 1996 йилдаги низомга кўра бошқарувдаги оила уч кун ичида унинг давомчисини танлаши керак. Агар улар бир тўхтамга кела олишмаса, армия, махсус хизмат вакиллари, шунингдек, Олий суд раҳбарияти ва икки маслаҳат ассамблеяси раҳбарларини ўз ичига олган кенгаш ҳокимиятни султон томонидан муҳрланган хатда кўрсатилган шахсга топширади.
Изоҳ (0)