Челябинск вилоятининг Полетаево посёлкасида яшовчи, мансабдорлар устидан уч нафар қариндош қизга васийликдан асоссиз четлатгани ҳақида шикоят қилган Наталя Галееванинг уйи ёниб кетди. Бу ҳақда Давлат думаси депутати Сергей Шаргунов маълум қилди.
Шаргуновнинг айтишича, уй ёқиб юборилган, ёнғинда аёлнинг эри 47 яшар Виктор Иванов ҳалок бўлган. Олдинроқ депутат янги уй-жой бериб ўтирмаслик учун болалар олиб қўйилган деб ҳисоблаётган аёл ҳақидаги мақоласини эълон қилганди.
«Шу кунларда унга мансабдорлар оиласини пароканда қилгани ҳақида очиқ айтиб бергани учун таҳдид қилинаётганди. Уй буткул ёниб битди. Қўшниларнинг айтишича, алангаланиш ташқаридан бошланган», — дея ёзув қолдирган Шаргунов Facebook’даги саҳифасида.
Депутатнинг аниқлик киритишича, 10 январь куни Галеева қизлар рисоладагидек шароитларда яшаб келгани борасида ишонч ҳосил қилишлари учун уйни журналистларга кўрсатиши керак эди. Ёнғин пайти у санитар ходим бўлиб ишлайдиган касалхонада навбатчилик қилаётган бўлган.
Изоҳ (0)