Мексика пойтахтидан шимолда жойлашган Торреоне шаҳрида жойлашган Сервантес коллежида 12 ёшли ўқувчи мактабда қуролли ҳужум содир этди. Шаҳар ҳокимлиги отишма оқибатида ўқитувчи ва жиноят содир этган боланинг ҳалок бўлгани, яна олти нафар одам жароҳатланганини тасдиқлади. Бу ҳақда «РИА Новости» хабар берди.
«Торреонедаги Сервантес коллежида уюштирилган қуролли ҳужум оқибатида икки нафар одам ҳалок бўлган ва олти киши яраланган», — дея хабар қилган Коауила штати губернатори Мигел Нахег Рикельме Миленио ТВ канали эфирида.
Ҳудуддаги жамоатчилик хавфсизлиги вазирлиги координатори Аделаидо Флорес 12 ёшли ўқувчи уюштирган ҳужум оқибатида ўқитувчи ва боланинг ўзи ҳалок бўлганини билдирган. Унинг сўзларига кўра яна беш нафар ўқувчи ва ўқитувчилардан бири турли жароҳатлар билан шифохонага ётқизилган, яраланганларнинг икки нафари оғир аҳволда.
ОАВ берган хабар бўйича бола ёнида икки хил калибрли тўппончалар билан ҳужум уюштирган. Боланинг отаси ўғлининг қўлига қурол қандай тушиб қолганини тушунтира олмаган, унинг айтишича, ўқувчи сўнгги вақтларда бувиси билан яшаган.
Штат ҳукумати мактабда боланинг устидан кулишгани ёки унга нисбатан руҳий босимлар бўлганини инкор қилди. Тахминларга кўра ўсмир жиноий гуруҳларга қўшилиб қолган бўлиши мумкин. Гувоҳларнинг сўзлашича, ўқувчи ташқарига чиқиш учун рухсат сўраган ва ҳовлида узоқ вақт қолиб кетган. Уни излаб чиққан ўқитувчи аёл қўлида қурол кўтарган болани кўрган. Аёлга қулоқ солмаган ўсмир пистолетдан атрофдагиларга ўқ узишни бошлаган.
Изоҳ (0)