Австралия жануби-шарқидаги ўрмон ёнғинлари оқибатида 20 дан ортиқ одам ҳалок бўлди. Мамлакат ҳукумати оловга қарши кураш учун 3 мингдан ортиқ ҳарбий жалб этилганини маълум қилди. Табиий офат манзаралари — қуйидаги фоторепортажда.
Австралия жануби-шарқий соҳилларидаги ўрмон ёнғинлари 2019 йил октябридан бери давом этмоқда.
Вазият Янги Жанубий Уэльс ва Виктория штатларида айниқса оғир кўриниш олган.
5 январдаги расмий маълумотларга кўра, ёнғинлар оқибатида 23 кишининг ҳалок бўлгани тасдиқланган. Яна олти киши бедарак йўқолган, деб гумон қилинмоқда.
The Canberra Times нашри ёнғинлар сабаб Австралия пойтахти Канберрадаги ҳавонинг ифлосланганлик даражаси фавқулодда кўрсаткичдан 26 баробарга ошиб кетгани ҳақида ёзган эди. Кейинчалик даража сезиларли пасайган, бироқ ҳамон нормадан бир неча баробар юқори бўлиб турибди.
Associated Press агентлиги маълумотларига кўра, ҳозиргача 12,4 миллион акр (тахминан 5 миллион гектар) ердаги ўрмон ёниб кетган.
Расмий маълумотларга кўра, ёнғинлар оқибатида 1,5 мингдан ортиқ уй вайрон бўлган.
Ёнғин юз бераётган ҳудудларни қора тутун қоплаб олгани боис, қуёш нури кўринмаяпти. Айрим жойларда оловни торнадо кузатилгани айтилмоқда.
Одамлар оловдан қочиб, соҳил бўйида эвакуацияни кутмоқда. Суратда — Виктория штатининг Маллакута шаҳри аҳолиси Австралия ҳарбий денгиз кучларининг Sycamore кемасида хавфсиз жойга кўчирилмоқда.
Ёнғинлар вақтида камида 8 минг коала ҳалок бўлган.
Мамлакатда яқин уч ой давомида жазирама ҳаво ҳукмрон қилиши кутилмоқда, бу эса ёнғинларнинг, катта эҳтимол билан, ҳали узоқ давом этишини англатади.
Мавзуга доир:
Изоҳ (0)