АҚШнинг Бағдоддаги элчихонаси ташкилот биноси ёнида 31 декабрда бошланган тартибсизликлар туфайли режалаштирилган барча тадбирларни бекор қилди ва консуллик ишларини тўхтатди. Бу ҳақда АҚШ элчихонаси расмий сайти хабар берган.
АҚШ фуқароларига Ироққа келмаслик ва мамлакатдаги америкаликларга эса Бағдоддаги элчихонадан узоқроқ бўлиш тавсия қилинди. Виза масалалари юзасидан Арбилдаги АҚШ консуллигига мурожаат қилиш мумкин.
Мавзуга доир:
https://twitter.com/i/status/1211939545320697856
Намойишчилар дипломатик миссия қароргоҳига бостириб кириб у ерга ўт қўйган. 1 январда норозилик акцияси яна такрорланган ва тартибсизликлар қилаётган оломон кўзни ёшлантирувчи газ ёрдамидан тарқатилган.
АҚШ давлат котиби Майкл Помпео Бағдоддаги вазиятлар туфайли Ўзбекистон, Беларусь, Қозоғистон шунингдек, Украина ҳамда Кипрга ташрифини кейинроққа қолдирган. Сиёсатчининг сўзларига кўра Ироқдаги АҚШ элчихонасига уюштирилган ҳужум ортида Эрон ҳукумати турибди.
Изоҳ (0)